"მანჩესტერ იუნაიტედის" არგენტინელი ნახევარმცველი ალეხანდრო გარნაჩო ორი ​​ევროპული გიგანტის რადარებზეა მოხვედრილი.

სპორტული ჟურნალისტის მიგელ დელანის მიერ გავრცელებული ინფორმაციით, მადრიდის "რეალი" და ტურინის "იუვენტუსი" გარნაჩოს კონტრაქტის ირგვლივ არსებულ სიტუაციას აქტიურად აკვირდებიან.

შემტევ ნახევარმცველს კონტრაქტი "წითელ ეშმაკებთან" მომავალი სეზონის ბოლოს ეწურება. ინგლისური გრანდი აქტიურად მუშაობს ახალი ხელშეკრულების დასადებად რომელსაც დიდი ალბათობით მოთამაშე ხელს მოაწერს.

ერიკ ტენ ჰაგის ხელმძღვანელობით შეტევის ხაზის წევრი ფეხბურთელი მეტ სათამაშო დროს იღებს ხოლო მისი სათამაშო ფორმა ნამდვილად იძლევა ამ ეტაპზე დამაკმაყოფილებელ შედეგებს.

არგენტინელის ანგარიშზე ერთი გოლი და ორი საგოლე გადაცემა ინგლისის პრემიერ ლიგაში.