რაფაელ ვარანის მიერ გაჟღერებული ინფორმაციით, გუნდის შიდა სამზარეულოში ერიკ ტენ ჰაგის იდეების უკეთ გაგება და გაანალიზება ხორციელდება რასაც ბოლოდროინდელი წარმატებული შედეგები ცხადყოფს.

"ამჟამად ბევრად უკეთ ვგრძნობთ თავს. ახლა ბევრად უკეთ გავიგეთ, რას მოითხოვს ჩვენგან მთავარი მწვრთნელი. ვხედავთ როგორ განიცდის "მანჩესტერ იუნაიტედი" ევოლუციას.

"მანჩესტერ სიტის" წინააღმდეგ მაღალ დონეზე სრულფასოვანი მატჩი ჩავატარეთ. ჩვენ ნამდვილად ბედნიერები ვართ", - ციტირებს ფეხბურთელის სიტყვებს "წითელი ეშმაკების" პრეს-სამსახური.

მომდევნო მატჩში "მანჩესტერ იუნაიტედი" "კრისტალ პალასს" დაუპირისპირდება.
შეხვედრა 18 იანვარს გაიმართება.

ინგლისის ჩემპიონატის 20 ტურის შემდეგ "ოლდ ტრაფორდელები" სატურნირო ცხრილში მესამე ადგილზე იმყოფებიან.