თურქული "ბეშიქთაშის" ნიდერლანდელმა თავდამსხმელმა ვუთ ვეგჰორსტმა გუშინ გამართული, გუნდის სავარჯიშო სესია გამოტოვა, ამის შესახებ სოციალურ ქსელში ჟურნალისტი ფაბრიციო რომანო იუწყება.

შეგახსენებთ, რომ ვეგჰორსტი ბოლო დროს აქტიურად ასოცირდება "მანჩესტერ იუნაიტედში" სეზონის ბოლომდე იჯარით გადასვლასთან დაკავშირებით.

ჯერჯერობით პრობლემას წარმოადგენს ის, რომ ჰოლანდიელი "ბეშიქთაშშიც" იჯარის წესით ასპარეზობს.

თურქული კლუბი მის გასაშვებად ერთგვარ კომპენსაციას ითხოვს.

ფეხბურთელის ამჟამინდელი კონტრაქტი "ბარნლის" ეკუთვნის, რომელსაც თავდამსხმელი ერთი წლის წინ შეუერთდა. თურქულ ჩემპიონატში ფორვარდმა 8 გოლი გაიტანა და 4 საგოლე გადაცემა გააკეთა.

შეგახსენებთ, რომ მან ასევე თავი მსოფლიო ჩემპიონატზეც გამოიჩინა ორი გოლითარგენტინის ნაკრების კარში ტურნირის ნახევარფინალურ ეტაპზე.