პრემიერ ლიგის ეგიდით გამართულ შეხვედრაში, ერიკ ტენ ჰაგის შეგირდებმა "ნოტინჰემ ფორესტი" დამაჯერებლად ანგარიშით 3-0 სძლიეს და სატურნირო ცხრილში მნიშვნელოვანი ქულებიც ჩაიწერეს.

შეხვედრის დასრულების შემდეგ სოციალურ ქსელში სამოტივაციო პოსტი გუნდის ცენტრალური დაცვის ხაზის ლიდერმა რაფა ვარანმა გამოაქვეყნა.

"ჩვენ საქმეში ვართ. სასიამოვნოა "ოლდ ტრაფორდზე" დაბრუნება", - წერს ფრანგი ფეხბურთელი.

15 ტურის შემდეგ, "წითელმა ეშმაკებმა" 29 ქულა დააგროვეს და პრემიერ ლიგის სატურნირო ცხრილში მეხუთე ადგილზე იმყოფებიან.

სატურნირო ცხრილის ლიდერ "არსენალთან" ჩამორჩენა 11 ქულას შეადგენს.