იანვრის სატრანსფერო ფანჯარა ერიკ ტენ ჰაგის გუნდისთვის სიახლის მომტანი, რომ ნამდვილად იქნება უცილობელია.

"წითელი ეშმაკები" თავდამსხმელს აქტიურად ეძებენ, მთავარ პრიორიტეტად ჰოლანდიელი შემტევის კოდი გაკპოს კანდიდატურა განიხილება, თუმცა უახლესი ინფორმაციით ინგლისელები ტურინის "იუვენტუსის" თავდამსხმელის დუშან ვლაჰოვიჩის შეძენითაც დაინტერესდნენ. აღნიშნულზე იტალიური გამოცემა Il Corriere dello Sport- ი წერს.

გავრცელებული ცნობით ვლაჰოვიჩი "იუვენტუსში" ასპარეზობით კმაყოფილი არ გახლავთ, შეგახსენებთ, რომ ფეხბურთელი "ბებერმა ქალბატონმა" "ფიორენტინა"- დან გასულ წელს გაიფორმა.

ტურინელთა ხელმძღვანელობა უახლოეს მომავალში სერბის გადაწყვეტილებას
ელოდება, წინააღმდეგ შემთხვევაში მას ტრანსფერზე დააყენებენ.

მანამდე ასევე გავრცელდა ინფორმაცია, რომ სერბი ლონდონის "არსენალის" ინტერესთა სფეროშიცაა მოქცეული.