ესპანელმა კარის დარაჯმა დავიდ დე ხეამ, რომელიც როგორც მოგეხსენებათ "მანჩესტერ იუნაიტედში" ასპარეზობს, ჟურნალისტებისთვის მიცემულ ინტერვიუში ისაუბრა იმაზე, თუ რა გავლენა მოახდინა მასზე ინგლისურ გრანდში ასპარეზობამ.

"იუნაიტედში" მოსვლის შემდეგ ბევრი რამ შეიცვალა. აქ უფრო მომწიფებული გავხდი და თავს გუნდში ერთ-ერთ ყველაზე გამოცდილ მოთამაშედ ვგრძნობ.

მე შემიძლია პასუხისმგებლობის აღება, შემიძლია ვიყო ლიდერი. ვცდილობ ჩემი ქცევით სხვას კარგი მაგალითი ვაჩვენო, ახალგაზრდებს რჩევებით ვეხმარები. მაგრამ მთავარია რომ კარგად თამაში გავაგრძელოთ", - ციტირებს მეკარის სიტყვებს Manchester Evening News.

დავიდი "წითელი ეშმაკების" ფერებს 2011 წლის ზაფხულიდან იცავს. მიმდინარე კონტრაქტი ესპანელს ამ სეზონის ბოლოს ეწურება.