"მანჩესტერ იუნაიტედის" თავდამსხმელი კრიშტიანუ რონალდუ იმედს გამოთქვამს, რომ მიმდინარე სეზონში პრემიერ ლიგას "არსენალი" მოიგებს.

"არსენალის" გულშემატკივარმა პირს მორგანმა, რომელიც რონალდუსთან ექსკლუზიურ ინტერვიუს წერდა, პორტუგალიელს ჩემპიონატის სათავეში მყოფი თავისი საყვარელი გუნდის ჩემპიონობის შანსებზე ჰკითხა.

"იმედი მაქვს, პრემიერ ლიგას "არსენალი" მოიგებს. პირველ რიგში, რა თქმა უნდა, მინდა, რომ ეს "მანჩესტერმა" გააკეთოს, მაგრამ თუ ვერა, მაშინ "არსენალი" - ეს არის გუნდი, რომლის თამაშის ყურებაც მომწონს.

მომწონს ეს გუნდი. მომწონს მათი მწვრთნელი. თუ "მანჩესტერ იუნაიტედი" ვერ მოიგებს პრემიერ ლიგას, გამიხარდება თუ ამას "არსენალი" გააკეთებს". - განაცხადა რონალდუმ.