"წითელი ეშმაკები" შეტევის ხაზის გაძლიერებას გეგმავენ.
"მანჩესტერ იუნაიტედი" "პარი სენ-ჟერმენის" თავდამსხმელის, კილიან მბაპეს ტრანსფერს განიხილავს.
ფაქტი, რომ "წითელი ეშმაკების" შემტევი ხაზი არ გამოიყურება სათანადოდ, თავიდანვე ცხადი იყო. ამაზე მეტყველებს ისიც, რომ მიმდინარე სეზონში 14 მატჩში გუნდს მხოლოდ 20 გოლი აქვს გატანილი, რაც გასავარდნ ზონასთან ახლოს მყოფი "ლიდსის" მაჩვენებელზე დაბალია.
გამტანი ფორვარდის მოყვანა გუნდის გეგმებში მანამდეც შედიოდა, მაგრამ რონალდუს ირგვლივ არსებული ვითარებიდან გამომდინარე კლუბმა დაჩქარება გადაწყვიტა.
მთელი რიგი განცხადებების შემდეგ, რაც რონალდუმ გააკეთა, რთულად წარმოსადგენია, რომ 37 წლის ფეხბურთელმა კვლავ მოირგოს "იუნაიტედის" მაისური. პორტუგალიელი, დიდი ალბათობით, კლუბს იანვარში დატოვებს.
სწორედ მის შემცვლელად სურს "იუნაიტედს" მბაპეს გადაბირება, რომელსაც კონტრაქტის გახანგრძლივების მიუხედავად პარიზში სანაქებოდ ნამდვილად არ აქვს საქმე.
"იუნაიტედი" ერთ-ერთია იმ იშვიათ კლუბებს შორის, რომელთაც მბაპეს ყოველკვირეული ხელფასის გადახდის უნარი შესწევთ. ფრანგი ანაზღაურების სახით კვირაში 500 ათას ფუნტს იღებს.
60 მილიონ ფუნტად შეფასებული ვიქტორ ოსიმჰენი უფრო რეალურ სამიზნედ მოსჩანს იანვარში, თუმცა "ეშმაკები" თავდაპირველად მბაპეს ვარიანტს ცდიან.
წყარო:
dailymail