"ვესტ ჰემთან" მოპოვებული მნიშვნელოვანი სამი ქულის შემდეგ, "იუნაიტედის" დამრიგებელმა ერიკ ტენ ჰაგმა ტრადიციულად მატჩისშემდგომი პრესკონფერენცია გამართა სადაც ჟურნალისტების მხრიდან დასმულ შეკითხვებს ვრცლად უპასუხა.

საბრძოლო სულისკვეთების შესახებ

მატჩმა არაერთგვაროვანი გრძნობები დამიტოვა. ერთის მხრივ, ეს შესანიშნავი შედეგია და კმაყოფილი ვარ გამარჯვებით, ასევე ის, რომ ისევ ვიბრძვით, ერთმანეთს მხარს ვუჭერთ და ერთი გუნდივითთ ვმოქმედებთ. პირველ ტაიმში შანსები გვქონდა და მეტოქეს კონტრშეტევაზე გაქცევა არ დავუშვით - ლისანდრო მარტინესმა ეს მცდელობები კარგად გაანეიტრალა. ჩვენ ისევ გვაკლდა კარგი გადაწყვეტილებები შეტევების ფინალურ ეტაპზე, მაგრამ შესანიშნავი გოლი გავიტანეთ! ერიქსენის შესანიშნავი სერვისი და მარკუსის ისეთივე შესანიშნავი თავური. თუმცა, ვფიქრობ, ჩვენ შეგვეძლო თამაშის უკეთ მართვა, ბურთის უკეთ შენახვა და დისციპლინის შენარჩუნება მეორე ტაიმში პრესინგზე. მაგრამ, ვიმეორებ, გუნდური სულისკვეთება გამოვავლინეთ და ამისთვის დავჯილდოვდით. პროცესი გრძელდება, სასიამოვნოა, როგორ იბრძვიან ბიჭები მხარდამხარ და ჩვენ ასე გავაგრძელებთ.

მორიგი "მშრალი" მატჩი დე ხეასთვის

რა თქმა უნდა, მაგრამ ფეხბურთი გუნდური სპორტია. თქვენ ამას ერთად აკეთებთ. მთელი გუნდი იცავს საკუთარ კარს, მაგრამ რა თქმა უნდა მოხარული ვარ, რომ ვხედავდი ასეთ ინდივიდუალურ მოქმედებებს, როგორიც დღეს დავიდმა აჩვენა. საბოლოოდ მან საოცარი სეივები გააკეთა! ჩვენ შედარებით კარგად ვიცავთ ჩვენს საჯარიმოს და გვყავს შესანიშნავი მეკარე, მაგრამ ყველაფერს ერთად ვაკეთებთ - შეტევაშიც და დაცვაშიც. ბედნიერი ვარ იმით, თუ როგორ უჭერენ მხარს მოთამაშეები ერთმანეთს, აძლევენ მოტივაციას. მე ნამდვილად კმაყოფილი ვარ პროცესით.

შესანიშნავი მარკუსი

"მანჩესტერ იუნაიტედისთვის" შესანიშნავია ასეთი დიდი ისტორიის მქონე აკადემია. მატჩის განაცხადში მინიმუმ ერთი მოსწავლის მონაწილეობის 85 წლის იუბილეზე მარკუს რაშფორდი ამ ამბის შესანიშნავი ილუსტრაცია იყო და შესანიშნავი გოლიც გაიტანა. მისთვის ეს მნიშვნელოვანი საღამოა, სანამ ორშაბათს დაბადების დღეს აღნიშნავს. ყოველთვის ვცდილობ, ფეხბურთელები მაქსიმუმამდე მივიყვანო, ვცდილობ მათ პიროვნებაში შევიდე და ვიპოვო ტრიგერი, რომელიც მათ ააქტიურებს. მე და მარკუსს კარგი ურთიერთობა გვაქვს. ვხედავ ბედნიერ მარკუსს, რომელიც იღიმება, სიამოვნებს თამაში და ბედნიერია, რომ კარინგტონში იმყოფება თავის ამხანაგებთან ერთად. ეს შესანიშნავი საფუძველია ხარისხიანი თამაშისთვის.

მაგუაირის დაბრუნება

კარგი შესრულება იყო. ადვილი არ არის, როცა კვირაობით მატჩებს ვერ ესწრები და ხუთშაბათს მხოლოდ 45 წუთი ითამაშე ევროპის ლიგაზე, რაც ძალიან განსხვავდება პრემიერ ლიგისგან. ის ძლიერი წნეხის ქვეშ მოექცა, განსაკუთრებით მატჩის მიწურულს მას დაღლილობა შეეტყო თუმცა ჩვენ არ გვქონდა ჰარის ჩანაცვლების შესაძლებლობა, რადგან სკამზე ცენტრალური მცველები არ იყვნენ. ამიტომ გადარჩენის რეჟიმში უნდა გვეთამაშა. ჰარიმ გამოიჩინა კარგი დამოკიდებულება, შესანიშნავი გამძლეობა და ასევე სასიამოვნო იყო იმის დანახვა, რომ მისი ძალების რწმენა უბრუნდებოდა მას.

გულსემატკივრების მხარდაჭერის შესახებ

"ოლდ ტრაფორდზე" ისევ შესანიშნავი ატმოსფერო იყო. ჩანს, რომ გუნდს, მის მოთამაშეებსა და გულშემატკივრებს შორის განსაკუთრებული კავშირია. ჩვენ უნდა გავაგრძელოთ მისი გაძლიერება. სწორი მიდგომა, სწორი დამოკიდებულება და ურთიერთქმედება - ეს ყველაფერი თამაშიდან თამაშამდე უკეთესი ხდება და საბოლოოდ წარმატებამდე უნდა მიგვიყვანოს.

რა იგულისხმა გვარდიოლამ, როცა თქვა, რომ "იუნაიტედი" ბრუნდება

მგონი ცოტა აჩქარდა. მეორე ტაიმში გასაკრიტიკებელი რამ გვქონდა და ფეხბურთელებს ვუთხარი, რომ თამაში უკეთესად უნდა ვმართოთ. თუმცა, ჩვენი გუნდური სულისკვეთება წარმოუდგენელია, გვაქვს გოლების გასატანად საჭირო თვისებები, გვაქვს შემტევი ფეხბურთი. დიახ, უნდა გავაუმჯობესოთ, მაგრამ ვფიქრობ, სწორი მიმართულებით მივდივართ. თუმცა, დიდი გზა გვაქვს გასავლელი იმისთვის, რომ სერიოზული საფრთხე შევქმნათ ისეთი გუნდებისთვის, როგორიც "სიტია",- აცხადებს დასასრულს ტენ ჰაგი