იტალიური "ნაპოლის" სპორტულმა დირექტორმა კრისტიანო ჯუნტოლიმ "მანჩესტერ იუნაიტედის" თავდამსხმელის კრიშტიანუ რონალდუს შესაძლო გაფორმების შესახებ დასმულ შეკითხვას უპასუხა.

ბოლო დროს მედიაში განახლდა ჭორები "ნეაპოლიტანელთა" ინტერესის შესახებ 37 წლის პორტუგალიელის მიმართ, რომელსაც ჩემპიონთა ლიგაში თამაშის გულისთვის ინგლისური გრანდის დატოვება სურს.

ჯუნტოლიმ ეს ინფორმაცია არ დაადასტურა:

"ამჟამად ტრანსფერებზე ნამდვილად არ ვფიქრობთ.

ამ დროისთვის ახალი მოთამაშეები არ გვჭირდება - "ნაპოლის" გუნდში არანაირი პრობლემა არ არის, რომელიც უნდა მოგვარდეს. თუნდაც საკადრო.

ჩვენი საქმე კარგად მიდის", - განაცხადა "ნეაპოლიტანელთა" სპორტულმა დირექტორმა DAZN-ისთვის მიცემულ ინტერვიუში.