პრემიერ ლიგის მეათე ტურის მატჩში ერიკ ტენ ჰაგის შეგირდებმა სტუმრად ფრენკ ლამპარდის "ევერტონს" მინიმალური სხვაობით 1-2 სძლიეს და სატურნირო ცხრილში მნიშვნელოვანი სამი ქულაც ჩაიწერეს.

მატჩში პირველი გოლი ბრაზილიელმა ანტონიმ გაიტანა, რომელიც "წითელი ეშმაკების" ახალწვეულია.

ამ გოლით კი ანტონი გახდა პირველი ფეხბურთელი კლუბის ისტორიაში, რომელმაც პრემიერ ლიგაში გუნდის პირველ სამ მატჩში გოლი გაიტანა.

აქამდე იყო "არსენალთან" გატანილი სადებიუტო გოლი 4 სექტემბერს, შემდეგ ხოსეპ გვარდიოლას "სიტის" კარის დალაშქვრა. სარეკორდო გოლით კი გარემარბმა "ევერტონი" დაამწუხრა.