"მანჩესტერ იუნაიტედის" მიერ სექტემბერში ჩატარებული წარმატებული მატჩები არ გამოჰპარვია ინგლისის საფეხბურთო ასოციაციას.

გუნდის ნიდერლანდელი თავკაცი ერიკ ტენ ჰაგი ოფიციალურად პრემიერ ლიგის მიმდინარე სეზონის სექტემბრის თვის საუკეთესო მწვრთნელად დასახელდა. აღნიშნულის შესახებ ინფორმაციას პრემიერ ლიგის პრეს - სამსახური ავრცელებს.

გასულ თვეში "წითელმა ეშმაკებმა" პრემიერ ლიგაში ორი მატჩი ჩაატარეს. ერიკ ტენ ჰაგის გუნდმა სტუმრად "ლესტერი" 1-0 დაამარცხა, ხოლო შინ "არსენალი" 3-1.

"ოლდ ტრაფორდელების" შემდეგი ორი მატჩი დედოფალ ელიზაბეტ II-ის გარდაცვალების გამო გადაიდო.

აღსანიშნავია მარკუს რეშფორდის ბენეფისიც, ინგლისელი ფეხბურთელი მისი მენტორის მსგავსად პრემიერ ლიგის სექტემბრის თვის საუკეთესოდ დასახელდა.

შეგახსენებთ, რომ მსგავსი რამ "იუნაიტედის" რიგებიდან 2019 წელს მოხდა, როდესაც ერთდროულად მენეჯერი და მოთამაშე პრემიერ ლიგამ თვის საუკეთესოდ დაასახელა.