ერიკ ტენ ჰაგის ახალი ერა დაწყებულია, სპეციალისტი დღითიდღე საკუთარ მეთოდებს გუნდში ნერგავს და ფეხბურთელებიც შესაბამისად ახალ გაკვეთილებს იღებენ.

ამჯერად, სავარჯიშო სესიებზე, ნიდერლანდელ სპეციალისტს სურს, რომ ფეხბურთელებმა ყველაზე მეტად ის ფეხი დატვირთონ რომელი ფეხიც მათი ძირითადი სათამაშო ფეხი არ არის. ინფორმაციას - Manchester Evening News - ი ავრცელებს.

ჰოლანდიელი მენტორი ატარებს დამატებით გაკვეთილებს, რომლებიც მიზნად ისახავს ცალკეულ მოთამაშეებში ამ ხარისხის გაძლიერებას.

ასე, მაგალითად, გამოცემის ცნობით, სპეციალურ ვარჯიშში მონაწილეობა მიიღო მცველმა ლუკ შოუმ, რომელმაც სესიები მარჯვენა ფეხის დატვირთვებით ჩაატარა.

გარდა ამისა, "მანჩესტერ იუნაიტედის" შემადგენლობის გადახედვისას, ტენ ჰაგმა ყურადღება გაამახვილა კლუბში მარცხენა ფეხით მოთამაშეების ნაკლებობაზე, რის შემდეგაც ზაფხულში კლუბმა მაცხენა ფეხით მოთამაშე ფეხბურთელები ტაირელ მალასია, ლისანდრო მარტინესი (ორივე მცველი) და ენტონი (გარემარბი) შეიძინა.