"მანჩესტერ იუნაიტედის" მთავარმა მწვრთნელმა ერიკ ტენ ჰაგმა "რეალ სოსიედადთან" ევროპის ლიგის ჯგუფური ეტაპის გახსნითი მატჩის წინ "მანკუნიანელების" მიზნებზე ისაუბრა აღნიშნულ ტურნირზე.

"ჩვენ გვსურს რომ თითოეულ ტურნირზე თოთოეული მატჩი მოვიგოთ, ამიტომ ყველაფერს სერიოზულად უნდა მივუდგეთ.

ასეთი მენტალიტეტი სჭირდება "მანჩესტერ იუნაიტედს", - ციტირებს ჰოლანდიელი სპეციალისტის სიტყვებს ინგლისური კლუბის პრეს-სამსახურს.

შეგახსენებთ, რომ ტენ ჰაგი "წითელ ეშმაკებს" მიმდინარე წლის აპრილში ჩაუდგა სათავეში.
პრემიერ ლიგის მიმდინარე გათამაშების ექვსი ტურის შემდეგ "ოლდ ტრაფორდელები" თავიანთ აქტივში 12 ქულით მეხუთე პოზიციას იკავებენ.

"მანჩესტერ იუნაიტედი" - "რეალ სოსიედადის" მატჩი ხვალ, 8 სექტემბერს გაიმართება. დასაწყისი თბილისის დროით 23:00 საათზე