პორტუგალიელი სუპერვარსკვლავი წინა უმნიშვნელოვანეს მატჩში ტენ ჰაგმა ძირითადში არ გაამწესა. ეს მოასწავებს იმას, რომ მას ძირითადში გარანტირებული სულაც არ აქვს ადგილი. რონალდუს ოჯახური მიზეზების გამო პრე-სეზონში მონაწილეობა არ მიუღია, ამ ხნის განმავლობაში მისი აგენტი ჟორჟე მენდესი ცდილობდა მისი კლიენტით ლიგაზე მოასპარეზე კლუბები დაეინტერესებინა, თუმცა ეს არ გამოვიდა.

The Athletic-ის ინფორმაციით, ტენ ჰაგს გარკვეული წარმოდგენა უკვე აქვს მის სასტარტო შემტევ ხაზზე, რომელშიც რონალდუ გამოკვეთილი ძირითადის წევრი სულაც არ არის. ჟურნალისტი Laurie Whitwell-ის ცნობით, ტენ ჰაგმა რონალდუს განუცხადა რომ ან დათანხმდება მუდმივ როტაციაში ყოფნას, ან თუ ამაზე არ იქნება თანახმა, სხვა კლუბში გადასვლაში ხელს არავინ შეუშლის. ტენ ჰაგს ასევე კვლავ სურს ახალი შემტევის შეძენა, თუ რონალდუ წავა, ალბათ ორი შემტევისაც კი.

ამჟამად, როგორც ცნობილია "იუნაიტედი" აშკარა ინტერესს იჩენს "აიაქსის" 22 წლის ვინგერის - ენტონისა და "პსვ ეინდჰოვენის" შემტევის, გაკპოს მიმართ.

წყარო: SportsIllustrated