"იუნაიტედს" დატვირთული სატრანსფერო ფანჯარის მიუხედავად კიდევ მინიმუმ ორი მოთამაშის შეძენა უნდა, თუმცა ამასთანავე არიან გასაშვები მოთამაშეებიც, რომლებზეც ტენ ჰაგი დიდ იმედებს არ ამყარებს.

ერიკ ბაილი - ერიკი უკვე სკამზეც კი ვერ ხვდება. მას უთხრეს რომ შეუძლია წავიდეს თუმცა 28 წლის მცველის სანაცვლოდ რეალური შემოთავაზება არავის გაუკეთებია. "ვესტ ჰემმა", "მარსელმა" და "მონაკომ" ინტერესი კი გამოხატეს, თუმცა ბაილის კვირაში £100,000 ფუნტ გირვანქა სტერლინგიანი ხელფასი მათთვის დიდ დაბრკოლებას წარმოადგენს. ამ კლუბებს მისი იჯარით დამატება სურთ, თანაც იმ პირობით, რომ მისი ხელფასის მნიშვნელოვან ნაწილს "იუნაიტედი" დაფარავს. ამის საპირისპიროდ, კლუბს მისი საბოლოოდ გაშვება უნდა. ბაილიმ 2021 წლის აპრილში გაახანგრძლივა კონტრაქტი და 2023 წლის ზაფხულამდე შეუძლია დარჩენა, თანაც სურვილის შემთხვევაში უფლება აქვს კიდევ ერთი წლით დარჩეს. აღსანიშნავია რომ მცველმა კონტრაქტის გახანგრძლივების შემდეგ მხოლოდ 8 შეხვედრა ჩაატარა "პრემიერ ლიგაში".

აარონ ვან-ბისაკა - ჯონსის მსგავსად, მცირეოდენი ინტერესი მის მიმართაც არსებობს. მოთამაშე 2019 წელს "კრისტალ პალასიდან" £50 მილიონი ფუნტი სტერლინგის სანაცვლოდ იქნა გადმოყვანილი, თუმცა მას ტენ ჰაგმა კარისკენ მიუთითა. "კრისტალ პალასს" მისი დაბრუნება სულ რაღაც £10 მილიონ ფუნტ სტერლინგად შეუძლია.

ფილ ჯონსი - ფილმა კონტრაქტი 2019 წელს გაახანგრძლივა 2023 წლამდე, 1 წლის დამატების უფლებით. თუმცა, ბაილივით ისიც ძალიან იშვიათად თამაშობს ამის შემდეგ. სერ ალექს ფერგიუსონი ამბობდა რომ ჯონსს შეეძლო "იუნაიტედის" ყველა დროის საუკეთესო მოთამაშე გამხდარიყო, მაგრამ ტრავმებმა მას თავის ბოლომდე წარმოჩენის საშუალება არ მისცა. მისდამი ინტერესი არც ისე დიდია და დიდი ალბათობით ის კვლავ კლუბში დარჩება.

აქსელ ტუანზებე - აქსელი ჯერ "ასტონ ვილაში" იყო განათხოვრებული, შემდეგ "ნაპოლიში", თუმცა თავის დამკვიდრება ვერსად მოახერხა. მის მიმართ ინტერესს ამჟამად "ბრაიტონი", "ტრაბზონი" და "ბორნმუთი" გამოხატავენ, თუმცა ჯერაც უცნობია სად გააგრძელებს კარიერას იგი.

ბრენდონ ვილიამსი - ვილიამსი ასევე იჯარით იმყოფებოდა "ნორვიჩში" და კლუბს ამ ზაფხულში დაუბრუნდა, თუმცა ტაირელ მალასიას მოსვლამ და კლუბში ასევე ლუკ შოუს ყოფნამ მისი თამაშის შანსები ფაქტობრივად ნულს გაუტოლა. თუ "იუნაიტედი" დიეგო დალოს ვერ გაუხანგრძლივებს, იგი შესაძლოა დარჩეს რადგან მისი ძლიერი ფეხი მარჯვენაა და მარჯვენა მცველადაც შეუძლია თამაში.

ჯეიმს გარნერი - ახალგაზრდა ნახევარმცველი განათხოვრებული იყო "ნოტინგემ ფორესტში", დიდი როლიც ითამაშა მათ უმაღლეს დივიზიონში აღზევებაში და "იუნაიტედს" დაუბრუნდა იმ იმედით რომ ძირითადში ხშირად იქნებოდა. სამწუხაროდ, ნახევარმცველი დაიმტვრა პრე-სეზონზე, მას უთხრეს რომ შეუძლია კლუბი დატოვოს თუ იგი მსურველს იპოვის.

წყარო: Mirror