ცნობილია, რომ "წითელი ეშმაკები" ენტონის დამატებას ცდილობენ და ფეხბურთელსაც ეს სურს, თუმცა "აიაქსი" 100 მილიონ ევროს ითხოვს. Sky Sports-ის ინფორმაციით, თუ "იუნაიტედი" მის შეძენას ვერ შეძლებს, კიდევ ორი ალტერნატივა არსებობს. თუმცა უნდა აღინიშნოს რომ ეს ნაკლებად სავარაუდოა რადგან კლუბის აშკარა პრიორიტეტი 22 წლის ბრაზილიელი ვინგერია.

ასეა თუ ისე, კიდევ ორი სახელი ფიგურირებს. ესენია გაკპო ''პსვ ეინდჰოვენიდან" და კრისტიან პულისიჩი "ჩელსიდან". გაკპომ გასულ სეზონში 21 გოლის გატანა და 15 საგოლე გადაცემის შესრულება შეძლო. რაც შეეხება ამერიკელს, იგი ბევრად უფრო მძიმედ გამოიყურებოდა და მხოლოდ 6 გოლის გატანა და 2 ასისტის მითვლა მოახერხა. ისიც უნდა აღინიშნოს რომ მან ყველა გათამაშებაში მხოლოდ 22 მატჩი ჩაატარა და სათამაშო დროის სიუხვით ვერ დაიკვეხნიდა. ამის მიუხედავად, კრისტიანის გეგმებში ლონდონის დატოვება არ შედის.

წყარო: SportsIllustrated