"მანჩესტერ იუნაიტედი" ზაფხულის სატრანსფერო ფანჯრის დარჩენილ დღეებში გუნდის გაძლიერებას ცდილობს.

ჟურნალისტ ჯანლუკა დი მარციოს მიერ სოციალურ მედიაში გავრცელებული ინფორმაციის თანახმად, "მანკუნიანელებმა" ყურადღება იტალიურ ბაზარზე გადაიტანეს.

"წითელი ეშმაკების" ყურადღების ცენტრში მექსიკელი თავდამსხმელი ირვინ ლოზანო მოექცა, რომელიც ამჟად "ნაპოლის" საკუთრებაშია.

ამასთან, "ნეაპოლელები" ფეხბურთელს მხოლოდ შთამბეჭდავი სატრანსფერო თანხის შეთავაზების შემთხვევაში დაშორდებიან.

Transfermarkt-ის ცნობით, მექსიკელის საბაზრო ღირებულება 30 მილიონი ევროა.
მისი კონტრაქტი კლუბთან 2024 წლის ზაფხულამდეა გათვლილი.