De Telegraaf-ის ჟურნალისტის მაიკ ფეირვეის მიერ გაჟღერებული ცნობით, ჰოლანდიურმა კლუბმა "აიაქსმა" "მანჩესტერ იუნაიტედი"-სგან 24 წლის მცველზე ლისანდრო მარტინესზე გაუმჯობესებული შეთავაზება მიიღო - 50 მილიონი ევრო, ბონუსების ჩათვლით.

ინგლისური გრანდი არ აპირებს მარტინესისთვის ბრძოლის შეწყვეტას მას შემდეგ, რაც "აიაქსმა" უარყო პირველი სატრანსფერო შეთავაზება.

ერიკ ტენ ჰააგი ლისანდროს პრიორიტეტულ სამიზნედ ხედავს. მოთამაშეს იზიდავს მის ყოფილ შეგირდთან კვლავ მუშაობის იდეა, რის გამოც მან "არსენალისგან" მიღებულ შეთავაზებაზე უარი არ თქვა.

ფეხბურთელისთვის ბრძოლაში ლონდონური კლუბიც არის ჩართული, წერს ჟურნალისტი ფაბრიციო რომანო.

მანამდე გავრცელდა ინფორმაცია, რომ "იუნაიტედი" ლისანდროსთვის ჰოლანდიელებს 41 + 4 მილიონ ევროს სთავაზობს. აიაქსმა "50" მილიონი ევრო მოითხოვა.

გასულ სეზონში არგენტინელმა "აიაქსის" მაისურით ყველა ტურნირზე 36 მატჩი ჩაატარა და 1 გოლი გაიტანა.