24-06-2022, 20:05

ავტორი: Svanchester,

ნანახია: 1267,

კომენტარები: 3

რონალდუს ვარიანტი გამოუჩნდა

პორტუგალიელის მომავალი ბუნდოვანია.

კრიშტიანუ რონალდუს კარიერის გაგრძელების მოულოდნელი ვარიანტი გამოუჩნდა - ის შეიძლება მიუნხენის "ბაიერნის" მთავარი შემტევი ძალა გახდეს.

როგორც აქამდე დაიწერა, პორტუგალიელი სუპერვარსკვლავი უკმაყოფილოა ინგლისური გრანდის მუშაობით მიმდინარე სატრანსფერო ფანჯარაზე.

ესპანური გამოცემა AS განმარტავს, რომ შეთავაზება უკვე გაკეთდა გერმანული მხარისგან.

ტრანსფერის შემთხვევაში კრიშტიანუს ექნება შესაძლებლობა ევროპული ქვეყნების ტოპ ჩემპიონატებიდან კიდევ ერთ გათამაშებაში მიიღოს მონაწილეობა, ამჯერად გერმანულში.

თავის მხრივ მიუნხენური გრანდი საკუთარ შემტევს რობერტ ლევანდოვსკის ემშვიდობება, ფორვარდი დიდი ალბათობით ესპანური "ბარსელონას" მაისურს მოირგებს, ხოლო "რეკორდმაისტერის" მთავარი სამიზნე ამის შემდეგ სწორედ კრიშტიანუ იქნება.

შეგახსენებთ, რომ "გოლდამშენს" აქამდე ინგლისური, პორტუგალიური, ესპანური და იტალიური ჩემპიონატები აქვს დაპყრობილი.

ახალი ამბები

3 კომენტარი

№1

ავტორი: GIOMU

24 ივნისი 2022 22:46

სიახლეები: 0
კომენტარები: 587

ჯობს წავიდეს, გერმანიის ჩემპიონატი იდეალურია მაგისთვის ისევ შეძლებს ბევრი გოლის გატანას და სტატისტიკას გაზრდის, ჩვენც უფრო ახალგაზრდა ფეხბურთელებზე გავაკეთებთ აქცენტს და გუნდური ფეხბურთის თამაშს დავიწყებთ, ტენჰააგის თამაშის სტილიც ხომ ასეთია.

№2

ავტორი: ikeoni

25 ივნისი 2022 10:15