სპორტული პრესის ფურცლები თუ სხვა სამაუწყებლო გამოშვებები აქტიურად არიან სატრანსფერო პროცესებში ჩართული.

ერთ ერთი მთავარი ყურადღება რა თქმა უნდა "მანჩესტერ იუნაიტედსა" და მისი პორტუგალიელი ვარსკვლავის კრიშტიანუ რონალდუსკენაა მიპყრობილი.

დარჩება თუ წავა ლეგენდარული ფეხბურთელი "წითელი ეშმაკების" რიგებიდან, მოგეხსენებათ კლუბი მომავალ სეზონს ჩემპიონთა ლიგის გარეშე ჩაატარებს.

სწორედ აღნიშნული მიზეზი შეიძლებოდა ყოფილიყო ერთადერთი და მთავარი მიზეზი "გოლდამშენის" ინგლისური გრანდიდან წასვლის თუმცა არა!

ცნობილი საფეხბურთო გურუ და ინსაიდერი ფაბრიციო რომანო კლუბის გულშემატკივრებისთვის სასიამოვნო ინფორმაციას ავრცელებს.

კერძოდ, რონალდუს გადაწყვეტილება მიღებული აქვს და ის ტენ ჰაგის პროექტის ნაწილად განიხილავს თავს, მას არ სურს კლუბი დატოვოს, მისი მიზანია "იუნაიტედს" ძველი დიდების დაბრუნებაში დაეხმაროს და ასევე დააბრუნოს იმ გზაზე რომელ გზაზეც "მანჩესტერული" გრანდი სერ ალექს ფერგიუსონის ეპოქაში იმყოფებოდა.