"მანჩესტერ იუნაიტედი" და ლონდონის "ვესტ ჰემი" ამ ზაფხულს ორი ნახევარმცველის, "საუთჰემპტონის" ჯეიმს უორდ-პრაუსისა და "ლიდსის" მოთამაშის კელვინ ფილიპსის ტრანსფერზე იმუშავებენ. ამის შესახებ დღეს ბრიტანული გამოცემა The Sun-ი იტყობინება.

კელვინ ფილიპსი დიდი ხანია ტოპ-კლუბების რადარზე იმყოფება. ევროპის ჩემპიონატზე ფეხბურთელი ინგლისის ნაკრების ძირითადი ნახევარმცველი იყო.

რაც შეეხება უორდ-პრაუსს, ნახევარმცველი ამ სეზონში თავისი თამაშით ნამდვილად ტოვებს კარგ შთაბეჭდილებას. ასევე ინგლისელი პრემიერ ლიგის სეზონის საუკეთესო მოთამაშის წოდების რვა ნომინანტიდან ერთ-ერთად გამოცხადდა.

შეგახსენებთ, რომ აქამდე გავრცელებული ინფორმაციის თანახმად კელვინ ფილიპსმა "მანჩესტერ იუნაიტედში" შესაძლო ტრანსფერზე უარი განაცხადა, თუმცა ინფორმაცია არცერთ ოფიციალურ მხარეს არ დაუდასტურებია.