სპორტულ პრესაში გავრცელებული ინფორმაციის თანახმად, "იუნაიტედის" ახლადდანიშნულ მთავარ მწვრთნელს ერიკ ტენ ჰაგს საკუთარი გუნდის რიგებში "ვულვზის" ნახევარმცველი რუბენ ნევეშის ხილვა სურს.

"ვულვერჰემპტონის" ხელმძღვანელებმა გადაწყვიტეს, თუ რა დაჯდება მოთამაშის ყიდვა მათთვის, ვისაც გარიგების დადება სურს ამ ზაფხულს.

25 წლის პორტუგალიელის მიმართ ინტერესს "იუნაიტედის" გარდა ლონდონის "არსენალი" და "ბარსელონა" იჩენენ.

Daily Mail-ის ცნობით, ნახევარმცველის შეძენის მსურველებს ზაფხულში დაახლოებით 80 მილიონი ევროს გადახდა მოუწევთ.

პრემიერ ლიგის მიმდინარე სეზონში რუბენ ნევეშმა 30 მატჩი ჩაატარა, 4 გოლი გაიტანა და 2 საგოლე გადაცემა გააკეთა. Transfermarkt პორტუგალიელი ფეხბურთელის სატრანსფერო ღირებულებას 40 მილიონ ევროდ აფასებს.