ფილ ჯონსი და ერიკ ბაილი ამ ზაფხულს დიდი ალბათობით "მანჩესტერულ" გრანდს დატოვებენ, იტყობინება ცნობილი გამოცემა Daily Star. წყაროს ცნობით, ორივე მოთამაშემ გადაწყვეტილება თანაგუნდელებს უკვე განუცხადა.

28 წლის ბაილის კონტრაქტი კლუბთან 2024 წლის ზაფხულამდე აკავშირებს. მიმდინარე სეზონში, კოტ'დივუარელმა "მანკუნიანელების" შემადგენლობაში შვიდი მატჩი ჩაატარა.

რაც შეეხება 30 წლის ჯონსს, ფეხბურთელს კონტრაქტი მომავალ ზაფხულს ეწურება. მის ანგარიშზე წლევანდელ სეზონში ჩატარებული მხოლოდ 5 მატჩია.

ამ ეტაპზე უცნობია თუ სად გააგრძელებენ მოთამაშეები კარიერას. არცერთი მათგანი კლუბის ძირითადი შემადგენლობის წევრად დიდი ხანია არ განიხილება.