"მანჩესტერ იუნაიტედის" პორტუგალიელი თავდამსხმელი კრიშტიანუ რონალდუ შესაძლოა მადრიდის "რეალში" ამ ზაფხულს დაბრუნდეს.

Marca-ს ცნობით, "სამეფო კლუბის" წარმომადგენლები დაინტერესებულნი არიან ზაფხულში 37 წლის პორტუგალიელი ფეხბურთელის დაბრუნების მცდელობით, რომელიც საეჭვოა მომავალ სეზონში "მანჩესტერ იუნაიტედში" დარჩეს.

შეგახსენებთ, რომ კრიშტიანუ მადრიდის "რეალში" 2009 წლიდან 2018 წლამდე ასპარეზობდა და კლუბის ისტორიაში უდიდესი კვალი დატოვა.

მიმდინარე სეზონში კრიშტიანუ რონალდუმ ინგლისის ჩემპიონატში 28 მატჩი ჩაატარა, რომელშიც 17 გოლი გაიტანა და სამი საგოლე გადაცემა გააკეთა.