ინგლისელ ნახევარმცველს, "საუთჰემპტონის" შემადგენლობაში მოთამაშე ჯეიმს უორდ-პრაუსს ამ ზაფხულს შეუძლია საკლუბო რეგისტრაცია შეცვალოს და ერთ-ერთ "მანჩესტერულ" გუნდში გადავიდეს.

The Sun-ის ცნობით, 27 წლის ინგლისელი ფეხბურთელი ორი ტოპ კლუბის ინტერესთა სფეროში მოხვდა. საქმე ეხება "მანჩესტერ იუნაიტედს" და "მანჩესტერ სიტის".

აღსანიშნავია, რომ "მანჩესტერ იუნაიტედის" მთავარი მწვრთნელი ერიკ ტენ ჰაგი, რომელიც "წითელ ეშმაკებს" ამ ზაფხულს უხელმძღვანელებს, დაჟინებით მოითხოვს უორდ-პრაუსის შეძენას.

ავტორიტეტული პორტალი transfermarkt ფეხბურთელის ღირებულებას 32 მილიონ ევროდ აფასებს.

ჯეიმს უორდ-პრაუსმა მიმდინარე სეზონში პრემიერ ლიგაში 33 მატჩი ჩაატარა, 9 გოლი გაიტანა და 5 საგოლე გადაცემაც გააკეთა.