"მანჩესტერ იუნაიტედის" პორტუგალიელი ვარსკვლავი ბრუნო ფერნანდეში კლუბთან აწარმოებს მოლაპარაკებებს ახალ კონტრაქტთან დაკავშირებით, რომელიც თამამად შეიძლება ითქვას, რომ გაფორმდება მხარეებს შორის, დასაზუსტებელი მხოლოდ მცირედი დეტალებია.

პორტუგალიური სპორტული გამოცემა " O Jogo" ავრცელებს ინფორმაციას წყაროზე დაყრდნობით, რომ 2027 წლამდე ბრუნო ფერნანდეში "იუნაიტედში" დარჩება და ამის ოფიციალურად გაფორმებამდე ძალიან ცოტაღა რჩება.

გამოცემის ცნობით "მანჩესტერ იუნაიტედის" ბორდსა და ფეხბურთელის აგენტ მიგელ პინოს შორის მოლაპარაკებები ინტენსიურად მიმდინარეობს და იგი ახლა დასასრულ სტადიაზეა მისული.

გამოცემის ცნობით ახლა მხოლოდ ხელფასის მოცულობაზე მიდის მოლაპარაკება, რომელიც 14 მილიონი ფუნტ სტერლინგიდან 15 მილიონ ფუნტ სტერლინგამდე მერყეობს წელში. ცნობისთვის 15 მილიონ ფუნტ სტერლინგამდე წლის განმავლობაში გამოიმუშავებს პოლ პოგბა. კონტრაქტის ამ სახით გაფორმების შემთხვევაში ბრუნოს ანაზღაურება იზრდება, თუმცა იგი საგრძნობლად ჩამორჩება კრიშტიანუ რონალდუს ანაზღაურებას, რომელიც 20 მილიონ ფუნტს გამოიმუშავებს ყოველწლიურად.

პორტუგალიური გამოცემა საუბრობს იმაზეც, რომ ბრუნოს არც კი განუხილავს სხვა კლუბების ვარიანტები და მისი დიდი სურვილია დარჩეს წითელი ეშმაკების შემადგენლობაში და მათთან ერთად იბრძოლოს დიდი მიზნების მისაღწევად, სწორედ ამ მიზნით იგი ახანგრძლივებს კონტრაქტს.

შეხსენებისთვის, ბრუნო ფერნანდეში "მანჩესტერ იუნაიტედს" 2020 წლის იანვარში შეუერთდა და მას შემდეგ მის ანგარიშზე 49 გოლი და 38 საგოლე გადაცემაა 117 შეხვედრაში.

წყარო: sportwitness.co.uk