ესპანური Marca იტყობინება, რომ "მანჩესტერ იუნაიტედი" ფრანგული "მონაკოს" ნახევარმცველით ორლენ ჩუამენით სერიოზულდ არის დაინტერესებული.
ფეხბურთელი პრემიერ ლიგის კლუბში გადასვლას აქტიურად განიხილავს იქნება ეს "მანჩესტერული" გრანდი თუ სხვა, ჩუამენს უბრალოდ პრემიერ ლიგაში ასპარეზობა სურს, მიუხედავად მადრიდის "რეალის" ინტერესისა, ნათქვამია მოხსენებაში.
გარდა ამისა, ფეხბურთელით "ლივერპულიც" არის დაინტერესებული. როგორც ჩანს პრემიერლიგური გრანდები ფეხბურთელისთვის ნამდვილ ომს გააჩაღებენ.
მიმდინარე სეზონში ჩუამენმა ლიგა 1-ში "მონაკოს" მაისურით 27 მატჩი ჩაატარა, 1 გოლი გაიტანა და 1 საგოლე გადაცემა გააკეთა.
Transfermarkt-ის ცნობით, 22 წლის ფეხბურთელის სატრანსფერო ღირებულება 40 მილიონი ევროა. მანამდე გავრცელდა ინფორმაცია, რომ ფრანგული კლუბი ფეხბურთელის გაშვებას 50 მილიონ ევროზე ნაკლებ ფასად არ აპირებს.