ამსტერდამის "აიაქსის" მთავარი მწვრთნელი ერიკ ტენ ჰააგი "მანჩესტერ იუნაიტედის" ახალი მთავარი მწვრთნელობის მთავარი კანდიდატია, იტყობინება Manchester Evening News.

მანამდე გავრცელდა ინფორმაცია, რომ "მანკუნიელების" მოკლე სიაში მოხვდნენ ისეთი სპეციალისტები, როგორებიც არიან თომას ტუხელი, მაურისიო პოჩეტინო, ლუის ენრიკე და ხულენ ლოპეტეგი.

ტენ ჰააგი ამსტერდამულ გუნდს 2017 წლიდან ხელმძღვანელობს. ამ ხნის განმავლობაში მწვრთნელმა ორჯერ მოიგო ჰოლანდიის ჩემპიონატი და ასევე 2019 წელს ჩემპიონთა ლიგის ნახევარფინალამდე მიიყვანა გუნდი.

კლუბთან არსებული კონტრაქტი სპეციალისტს მომავალი წლის ზაფხულში ეწურება.