"ტოტენჰემის" თავდამსხმელი ჰარი კეინი შესაძლოა ამ ზაფხულს "მანჩესტერ იუნაიტედში" იხილოს გულშემატკივარმა.
გასულ წელს, ინგლისელი ფორვარდი პეპ გვარდიოლას "მანჩესტერ სიტიში" გადასვლის ზღვარზე იყო, მაგრამ ლონდონელებმა ეს ტრანსფერი დაბლოკეს, მიუხედავად იმისა, რომ ფეხბურთელს ჰქონდა კლუბის შეცვლის სურვილი.
ცნობილი გამოცემა Mirror-ის ცნობით, კეინი ამ ზაფხულს "მანჩესტერ იუნაიტედის" სამიზნე იქნება, რადგან ისინი ახალ თავდამსხმელს ეძებენ. ტრანსფერის ალბათობა შეიძლება გაზარდოს მაურისიო პოჩეტინოს მოსვლამ, რომელიც მუშაობდა ვარსკვლავურ ინგლისელთან "ტოტენჰემში".
ჰარი კეინს Transfermarkt 100 მილიონ ევროდ აფასებს. 28 წლის თავდამსხმელმა მიმდინარე სეზონში 39 მატჩში 21 გოლი გაიტანა.