"მანჩესტერ იუნაიტედი" აგრძელებს მთავარი მწვრთვნელის ძიების პროცესს, რომელიც გუნდს გრძელვადიანი კონტრაქტით ჩაიბარებს და დაასრულებს იმ არასტაბილუურ პერიოდს, რომელიც გუნდს აქვს. გამომდინარე იქედან, რაც "ჩელსის" და მისი მფლობელის, რომან აბრამოვიჩის ირგვლივ განვითარდა, თომას ტუხელის მომავალი "ჩელსისთან" ერთად კითხვის ნიშნის ქვეშ დადგა.

მიუხედავად სირთულეებისა ტუხელმა სურვილი გამოთქვა დარჩეს "ჩელსიში", თუმცა ფაქტია კლუბის ირგვლივ სიტუაცია საკმაოდ არეულია, მომავალი ბუნდოვანია და როგორ შეიცვლება ეს სიტუაცია თუნდაც რამოდენიმე თვეში არავინ უწყის, თავის მხრივ "იუნაიტედიც" მოწადინებულია იპოვოს სტაბილური მწვრთვნელი.

ტუხელის გარდა "მანჩესტერ იუნაიტედს" უკავშირებენ მაურისიო პოჩეტინოსაც, რომელიც სავარაუდოდ მალე დატოვებს "პსჟ"-ს.

"წითელი ეშმაკების" სამიზნეში მნიშვნელოვან ადგილს იკავებს ერიკ ტენ ჰააგიც, რომელიც უკვე 5 წელია "აიაქსს" წარმატებულად ხელმძღვანელობს და გულშემატკივართა დიდ ნაწილსაც სურს მისი ხილვა "იუნაიტედის" მწვრთვნელის რანგში.

მოკლედ სიტუაცია უცვლელია, "მანჩესტერ იუნაიტედი" ისევ მთავარი მწვრთვნელის ძიების პროცესშია, თუმცა რომან აბრამოვიჩის მიმართ დაწესებული სანქციები და "ჩელსის" შესაძლო ფინანსური სიძნელეები, თომას ტუხელის კანდიდატურას შანსებს უცილებლობლად უზრდის, მიუხედავად იმისა,რომ თავად ტუხელი ამას არ ადასტურებს.

წყარო: www.express.co.uk