"პარი სენ-ჟერმენის" მწვრთნელი მაურისიო პოჩეტინო, რომლითაც "მანჩესტერ იუნაიტედი" ინტერესდება, "წითელ ეშმაკებთან" კონტრაქტის გაფორმებაზე მხოლოდ მაშინ დათანხმდება, თუ იგრძნობს, რომ კლუბის ხელმძღვანელებისთვის პრიორიტეტული ვარიანტია, იტყობინება Daily Mail.

წყაროს ცნობით, სპეციალისტს ინგლისში დაბრუნება სურს. შეგახსენებთ, რომ ადრე პოჩეტინო პრემიერ ლიგაში უკვე მუშაობდა.

სპეციალისტი ლონდონის "ტოტენჰემს" 2014-2019 წლების სეზონებში ხელმძღვანელობდა. ასევე მის ინგლისურ კარიერაში იყო "საუთჰემპტონიც".

რალფ რანგნიკი ამჟამად "იუნაიტედის" დროებითი მწვრთნელია. სეზონის ბოლოს გერმანელი სპეციალისტი კლუბის მენეჯმენტში გადაინაცვლებს.

ასევე ვრცელდება აქტიურად ინფორმაციები, რომ გუნდს ერიკ ტენ ჰააგის მოყვანა სურს, საუბარია ასევე ლონდონის "ჩელსის" გერმანელ სპეციალისტზე ტომას ტუხელზე.