ყოფილმა ფეხბურთელმა ლეგენდარულმა რიო ფერდინანდმა "მანჩესტერ იუნაიტედს" ჯონ მაკგინისა ( "ასტონ ვილა" ) და დეკლან რაისის ( "ვესტ ჰემი") სატრანსფერო სიებში ჩასმა ურჩია.

"ხასიათი არის ერთ-ერთი ელემენტი, რომელიც საჭიროა "მანჩესტერ იუნაიტედისთვის". ჩემი აზრით, ჯონ მაკგინი კარგი მოთამაშე და დიდი პროფესიონალია, რომელსაც არ ეშინია ხალხისთვის სიმართლის პირადად თქმა.

წარმატების მისაღწევად მნიშვნელოვანია არა მხოლოდ ფეხბურთის უნარი, არამედ პიროვნული თვისებებიც. ჯონი ძალიან კარგია ამ მხრივ.

რაც შეეხება რაისს, მის შესახებ უკვე საკმარისად ითქვა. მე ძალიან მომწონს ეს ფეხბურთელი. შენ შეგიძლია მის ირგვლივ გუნდი ააშენო", - ციტირებს "მანჩესტერ იუნაიტედის" ლეგენდის სიტყვებს - Standard.