"მანჩესტერ იუნაიტედის" მთავარმა მწვრთნელმა რალფ რანგნიკმა ენტონი ელანგის მიმართ მის დამოკიდებულებაზე ისაუბრა, რომელმაც ჩემპიონთა ლიგის მატჩში "ატლეტიკოს" წინააღმდეგ ანგარიში გაათანაბრა და საკუთარ გუნდს განმეორებითი მატჩის წინ მნიშვნელოვანი დახმარება გაუწია.

"მინდა, რომ ზოგიერთმა ჩვენმა მოთამაშემ ელანგასაგან მაგალითი აიღოს. ის უბრალოდ ცოცხლობს ამ ოცნებით. ვარჯიშებზე საუკეთესოდ მუშაობდა, მზად იყო იჯარით წასასვლელად, მაგრამ მე ვთხოვე დარჩენა.

მას საქმისადმი კლასიკური და კარგი მიდგომა აქვს", - ციტირებს ფაბრიციო რომანო გერმანელი მენეჯერის სიტყვებს.

შეგახსენებთ, რომ ელანგა მადრიდის "ატლეტიკოსთან" მატჩში 75-ე წუთზე გამოვიდა და ხუთი წუთის შემდეგ ანგარიშიც გაათანაბრა. შეხვედრა ანგარიშით 1:1 დასრულდა.