პორტუგალიელი სუპერვარსკვლავი კრიშტიანუ რონალდუ მის ამჟამინდელ გუნდში ახალი როლის შეთავსებას გეგმავს. პრესის მიერ გაჟღერებული ინფორმაციით რონი, ჰარი მაგუაიერის კაპიტნობით უკმაყოფილოა.
Daily Mail-ის მიერ გავრცელებული ცნობით, თავდამსხმელს ინგლისელისთვის სამკლაურის ჩამორთმევა სურს, მას ასევე გადაწყვეტილი აქვს გუნდის ახალი კაპიტანი გახდეს. ამასთან, უნდა ითქვას, რომ თავად მაგუაირი არ აპირებს ამჟამინდელი სტატუსის დათმობას.
რაც შეეხება მთავარი მწვრთნელის რალფ რანგნიკის აზრს ამ სიტუაციაზე, ის კრიშტიანუს პოზიციას ემხრობა. გერმანელი მზადაა, კრიშტიანუ კაპიტანი გახადოს, რითაც მაგუაიერს ზეწოლა მოხსნას. პორტუგალიელის გაკაპიტნებას გუნდის ზოგიერთი წევრიც უჭერს მხარს.
ამრიგად მარტივად შესაძლებელია, რომ უახლოეს პერიოდში ოქროს ბურთის ხუთგზის სუპერვარსკვლავი ფეხბურთელი ინგლისური გრანდის ახალი კაპიტანი გახდეს.