"მანჩესტერ იუნაიტედის" ახალ აღმასრულებელ დირექტორს რიჩარდ არნოლდს სურს, რომ გუნდის ამჟამინდელი დამრიგებელი რალფ რანგნიკი ერიკ ტენ ჰააგმა ჩაანაცვლოს.

მოგეხსენებათ, რომ რანგნიკი, სეზონის ბოლოს კლუბის მენეჯმენტში გადაინაცვლებს და კონსულტანტის როლს შეითავსებს. ამასთან, ჯერჯერობით უცნობია, სურს თუ არა ნიდერლანდელ მენეჯერს "აიაქსის" დატოვება, სადაც მისთვის ყველაფერი კარგად მიდის.

წყაროს ცნობით, ერიკ ტენ ჰეგი, მაურისიო პოჩეტინო და ლუის ენრიკე "მანჩესტერ იუნაიტედის" შესაძლო მომავალ დამრიგებლებად სახელდებიან.

მოგეხსენებათ, რომ ინგლისური გრანდის კრიზისი რომელიც უკვე წლებია მიმდინარეობს იგივე მდგომარეობას განიცდის დრესაც რის გამოც გუნდის გულშემატკივართა უკმაყოფილო რიცხვი იმატებს.