"მანჩესტერ იუნაიტედის" მთავარი მწვრთნელი რალფ რანგნიკი უკიდურესად იმედგაცრუებულია მისი კლუბის წარუმატებლობის გამო FA თასის 1/16 ფინალში.

მას შემდეგ, რაც გერმანელი სპეციალისტის შეგირდებმა ძირითად და დამატებით დროში "მიდლსბროს" ძლევა ვერ შეძლეს, პენალტების სერიის შემდეგ ტურნირსაც გამოეთიშნენ.

"წითელ ეშმაკებს" ასეთი წარუმატებელი გამოსვლა ტურნირზე 2014 წლის შემდეგ არ ჰქონიათ.

"რა თქმა უნდა, ძირითად დროში უნდა მოგვეგო. ძალიან განაწყენებული ვარ, არ გაგვიმართლა, პენალტის გატანაც ვერ შევძელით, იყო მომენტი სადაც ბურთი ძელს მოხვდა. ჩვენ გაგვიტანეს ასევე გოლი, რომელიც ფაქტიურად ხელბურთის გამო არ უნდა ჩათვლილიყო", - ციტირებს BBC Sport რანგნიკის სიტყვებს