ფრანგ ინსაიდერს ადრიენ გრენს თუ დავუჯერებთ, ფრანგული "პარი სენ ჟერმენი" მარკუს რეშფორდის შესაძლო ტრანსფერს აქტიურად განიხილავს.

შეგახსენებთ, რომ რაშფორდის კონტრაქტი "მანჩესტერ იუნაიტედთან" 2023 წლამდეა ძალაში, რაც იმას ნიშნავს, რომ მომავალ ზაფხულს ინგლისელი მნიშვნელოვანი ფასდაკლებით იქნება ხელმისაწვდომი.

ამ დროისთვის გერმანული პორტალი Transfermarkt მოთამაშის საბაზრო ღირებულებას 85 მილიონ ევროდ აფასებს.

24 წლის რეშფორდმა მიმდინარე სეზონში პრემიერ ლიგის 13 მატჩში 4 გოლი გაიტანა და ერთი საგოლე გადაცემა გააკეთა.

თავისი გუნდის ბოლო მატჩში "ვესტ ჰემთან", რაშფორდმა "წითელ ეშმაკებს" ბოლო წუთებში გამარჯვება მოუტანა.