მიუხედავად "მანჩესტერ იუნაიტედის" მიერ სეზონის ბუნდოვანი პირველი ნახევრისა, ნახევარმცველმა ბრუნო ფერნანდეშმა ჟურნალისტებისთვის მიცემულ ინტერვიუში თავისი ამბიციური გეგმები გააზიარა.

პორტუგალიელის თქმით, კლუბს ჯერ კიდევ შეუძლია ტიტულების მოპოვების იმედი მიმდინარე სეზონში ჰქონდეს.

"არ მაინტერესებს ხალხი რას ამბობს ჩვენს ასპარეზობაზე. პირადად მე მაინც მჯერა, რომ გვაქვს შანსი მოვიგოთ ჩემპიონთა ლიგა და ასოციაციის თასი.

ჩვენ უნდა გვჯეროდეს. ჩვენ გვაქვს ყველაფერი, რაც საჭიროა წარმატებისთვის“, - ციტირებს Mirror-ი ფერნანდეშის სიტყვებს.

შეგახსენებთ, რომ ჩემპიონთა ლიგის 1/8 ფინალში "მანკუნიელებს" ესპანურ ატლეტიკოსთან შეხვედრა მოუწევთ. რაც შეეხება ეროვნულ თასს, "იუნაიტედის" შემდეგი მეტოქე "მიდლსბრო" იქნება.