ფრანგი ნახევარმცველი პოლ პოგბა შესაძლოა "მანჩესტერ იუნაიტედში" დარჩეს. ნახევარმცველი მზადაა ერთი პირობით გაახანგრძლივოს თანამშრომლობა ინგლისურ გიგანტთან, იუწყება ტაბლოიდი The Sun - თავის გვერდებზე.

წყარო ირწმუნება, რომ 28 წლის ფეხბურთელი დაინტერესებულია რალფ რანგნიკთან შემდგომი თანამშრომლობით. პოლს შეუძლია "ოლდ ტრაფორდზე" დარჩენა, თუ გერმანელი სპეციალისტი მომავალ სეზონში გუნდის სათავეში დარჩება.

მოგეხსენებათ ორივე მათგანის კონტრაქტი "წითელ ეშმაკებთან" 2021/2022 წლების სეზონის ბოლოს სრულდება.

მანამდე გავრცელდა ინფორმაცია, რომ "მანჩესტერ იუნაიტედი" ზაფხულში რანგნიკს მთავარი მწვრთნელის პოსტიდან დაითხოვს და სამსახურს კლუბის ადმინისტრაციაში შესთავაზებს. მის ადგილზე აქტიურად განიხილებიან სპეციალისტები: ერიკ ტენ ჰააგი, მაურისიო პოჩეტინო და რობერტო მანჩინი.