შოტლანდიურმა "რეინჯერსმა" გლეიზერების "მანჩესტერ იუნაიტედთან" ნახევარმცველი ამად დიალოს იჯარის წესით ტრანსფერი შეათანხმა.

ფაბრიციო რომანოს მიერ გავრცელებული ინფორმაციით, კლუბებმა მიაღწიეს შეთანხმებას 6 თვიან იჯარაზე გამოსყიდვის ოფციის გარეშე.

ასევე გავრცელებულია ინფორმაცია, რომ "მანჩესტერ იუნაიტედის" მთავარმა მწვრთნელმა რალფ რანგნიკმა პირადად შეუწყო ხელი გარიგებას, რითაც ფეხბურთელს აცნობა, რომ მას არ სჭირდებოდა მისი მომსახურება სეზონის დარჩენილი პერიოდისთვის.

ტრანზაქციის ოფიციალური დადასტურება მოსალოდნელია უახლოეს პერიოდში.

მიმდინარე სეზონში ამად დიალოს პრემიერლიგაში კლუბის მაისურით არც ერთი მატჩი არ ჩაუტარებია. 19 წლის კოტ'დივუარელი "წითელ ეშმაკებს" 2020 წლის ზაფხულში შეუერთდა, როდესაც კლუბმა ის "ატალანტა"- დან გამოისყიდა.