ესპანური "სევილია" უახლოეს მომავალში "მანჩესტერ იუნაიტედიდან" თავდამსხმელის, ენტონი მარსიალის იჯარის წესით შესყიდვის შესახებ განცხადებას ოფიციალურად განახორციელებს.

El Chiringuito-ს მიერ გაჟღერებული ცნობით, 26 წლის ფეხბურთელი უკვე ანდალუსიაში იმყოფება, რათა ტრანსფერის ბოლო დეტალები შეათანხმოს.

შეგახსენებთ, რომ ენტონი მარსიალი უკმაყოფილო იყო "მანჩესტერ იუნაიტედში" მიღებული სათამაშო დროით. ჯერ კიდევ დეკემბერში, თავდამსხმელის აგენტმა კლუბის შეცვლა დაანონსა.

2021/2022 წლების სეზონში ენტონი მარსიალმა "მანჩესტერ იუნაიტედის" შემადგენლობაში 11 მატჩში 367 წუთი გაატარა მოედანზე. ფრანგი თავდამსხმელის ანგარიშზე ერთი გოლია.