ინგლისის პრემიერ ლიგის ეგიდით "ბრენტფორდსა" და "მანჩესტერ იუნაიტედს" შორის გამართული მატჩის დროს კრიმინალები "წითელი ეშმაკების" მცველის ვიქტორ ლინდელოფის სახლში შევიდნენ.

შვედი ფეხბურთელის მეუღლემ პატარა ბავშვებთან ერთად ოთახში დამალვა მოახერხა, რაზეც მან ინსტაგრამის საკუთარ გვერდზე დაწერა.

ინციდენტის შედეგად არავინ დაშავებულა, მაგრამ ვიქტორ ლინდელოფის შოკირებული ოჯახი იძულებული გახდა შვედეთში წასულიყო.

ფეხბურთელი უმალვე ოჯახთან გაემგზავრა, სწორედ ამიტომ ცენტრალური მცველი შაბათს "ვესტ ჰემთან" გასამართ მატჩში მონაწილეობასვერ მიიღებს, აღნიშნული უკვე დაადასტურა "წითელი ეშმაკების" მთავარმა მენტორმა რალფ რანგნიკმა.

"მანჩესტერ იუნაიტედმა" მხარი დაუჭირა ვიქტორ ლინდელოფს და მოუწოდა გულშემატკივრებს, ინფორმაციის მოპოვების შემთხვევაში, უმალ დაუკავშირდნენ პოლიციას.