კრიშტიანუ რონალდუს მომავალი ბოლო დროს განხილვის საგანი გახდა. ბევრი ინფორმაცია ჩნდება აღნიშნულზე და ვარსკვლავის უკმაყოფილება "ბრენტფორდთან" თამაშში მისი შეცვლით, მხოლოდ ჭორების ახალი მკვებავი აღმოჩნდა.

თებერვლიდან "მანჩესტერ იუნაიტედის" მმართველი დირექტორი რიჩარდ არნოლდი იქნება. მისი ერთ-ერთი პირველი ამოცანა კრიშტიანუ რონალდუს გუნდში შენარჩუნება იქნება.

"წითელი ეშმაკები" პორტუგალიელის წასვლის თავიდან აცილებას აპირებენ და ეს ყველაფერი არა მხოლოდ სათამაშო მიზეზების გამო.

"მანკუნიელებისთვის" მნიშვნელოვანია, რომ რონალდუ მათ რიგებში ივლისში იმყოფებოდეს, როდესაც ისინი ზაფხულის ტურნეზე პირველად, სამი წლის განმავლობაში მიდიან.

"მანჩესტერ იუნაიტედს" ესმის, რომ კრიშტიანოს გარეშე კლუბი ნაკლებად მიმზიდველი იქნება აშშ-ში და მის გარეშე საგრძნობლად ნაკლები შემოსავლის მიღება იქნება შესაძლებელი ვიდრე მასთან ერთად,- ამის შესახებ Daily Star წერს.

უახლოეს მომავალში რიჩარდ არნოლდი კრიშტიანუ რონალდუსთან მოლაპარაკებების დაწყებას გეგმავს.