პორტუგალიელი კრიშტიანუ რონალდუ, ინგლისის პრემიერ ლიგის მიმდინარე სეზონში გუნდის თამაშით უკმაყოფილოა. 36 წლის თავდამსხმელმა უკვე დაასახელა პირობა, რომლითაც მას შეუძლია "მანჩესტერ იუნაიტედთან" თანამშრომლობა ვადაზე ადრე შეწყვიტოს.

ტაბლოიდის The Sun-ის ცნობით, ვარსკვლავური ფორვარდის აგენტი ცოტა ხნის წინ შეხვდა რიჩარდ არნოლდს, რომელიც უნდა დამტკიცდეს "წითელი ეშმაკების" აღმასრულებელ დირექტორად.

CriRo-ს სპიკერმა თქვა, რომ მისი კლიენტი შეშფოთებულია გუნდის ამჟამინდელი მდგომარეობით. აგენტის თქმით, რონალდუ წასვლას გადაწყვეტს, თუ "მანკუნიელები" მომავალი სეზონის ჩემპიონთა ლიგაზე ვერ მოხვდებიან.

"მანჩესტერ იუნაიტედი" პრემიერ ლიგის სატურნირო ცხრილში მეშვიდე ადგილზე იმყოფება. კლუბი მეოთხე ადგილს ხუთი ქულით ჩამორჩება.