"ბარსელონას" ფრანგმა ნახევარმცველმა უსმან დემბელემ შესაძლოა კარიერა პრემიერ ლიგაში გააგრძელოს. ფეხბურთელი და კლუბი ახალ კონტრაქტზე ვერ თანხმდებიან.

ესაპნურმა გრანდმა "მანჩესტერ იუნაიტედსა" და "ნიუკასლს" უკვე შესთავაზა ფეხბურთელის ყიდვა და მათ სატრანსფერო თანხა 20 მილიონი ევრო დაუსახელა.

როგორც უკვე მოგახსენეთ კლუბმა ვერ მიაღწია შეთანხმებას გარემარბისთვის კონტრაქტის გახანგრძლივებაზე და "ბარსა" აპირებს მის გაყიდვას ზამთრის სატრანსფერო ფანჯარაში, რათა ზაფხულში უფასოდ არ მოხდეს დემბელეს გუნდიდან წასვლა. თავად ფეხბურთელს პრემიერ ლიგაში თამაში სურს.

ლა ლიგის მიმდინარე გათამაშებაში დემბელემ 6 მატჩი ჩაატარა და 2 საგოლე გადაცემა გააკეთა. აღსანიშნავია ის ფაქტიც, რომ ფეხბურთელი ხშირი ტრავმიანობით გამოირჩევა.