წინასამატჩო პრესკონფერენციაზე ჟურნალისტებმა რალფ რანგნიკს სთხოვეს შეედარებინა დავიდ დე ხეა და მანუელ ნოიერი რომელთან ერთადაც ადრეულ წწლებში "შალკეში" მუშაობდა.
"ვფიქრობ, რომ ისინი ორივე არიან მსოფლიოს საუკეთესო მეკარეების ხუთეულში და შესაძლოა სამეულშიც კი. ორივე ფანტასტიკურ ფორმაშია, როგორც ფიზიკურად, ასევე მენტალურად საკუთარი საჯარიმო მოედნის კონტროლის კუთხითაც შესანიშნავები არიან.
დავიდ დე ხეა ერთ-ერთი საუკეთესო მეკარეა მსოფლიოში, თუ არა საუკეთესო, და ჩვენ ძალიან ბედნიერი ვართ, რომ ის ჩვენს გუნდში გვყავს.
გულწრფელად რომ გითხრათ, როგორც მწვრთნელს, უფრო მეტ ისეთ მატჩს ვამჯობინებდი, როგორიც "კრისტალ პალასთან“ იყო, როცა დავიდი განსაკუთრებულად ნამდვილად არ გვჭირდებოდა, გარდა იმისა, რომ სასურველია მეტოქეები რომლებიც კარის მიმართულებით ხშირად არ ურტყავენ.
მაგრამ ისეთ მატჩებში, როგორიც “ვულვერჰემპტონთან” იყო, ძალიან ხშირად ვაძლევდით უფლებას მოწინააღმდეგეს ეცადა გოლის გატანა. იგივე იყო "ნორვიჩთან" და "ნიუკასლთან" დაკავშირებით.
დევიდი ფანტასტიკური მოთამაშე და ნამდვილი პროფესიონალია, ყოველთვის სასიამოვნოა მისნაირ ფეხბურთელებთან მუშაობა",-აცხადებს დასასრულს რანგნიკი.