"მანჩესტერ იუნაიტედის" მთავარმა ვარსკვლავმა კრიშტიანუ რონალდუმ ინსტაგრამის საკუთარ ანგარიშზე მორიგი პუბლიკაცია გამოაქვეყნა.

პორტუგალიელმა თავდამსხმელმა თავისი შავ-თეთრი ფოტო გამოაქვეყნა, ასევე ფოტო დიოგო დალოსთან და ალექს ტელესთან ერთად. "ჩვენ ვაგრძელებთ მუშაობას", - წერს 36 წლის ბომბარდირი სოციალურ ქსელში.

კრიშტიანუ "მანჩესტერულ" გრანდში გასულ ზაფხულს დაბრუნდა. მხარეებმა ორწლიანი შრომითი ხელშეკრულება გააფორმეს.

2021/2022 წლების სეზონის პირველ ნახევარში რონიმ პრემიერ ლიგის 16 მატჩში მიიღო მონაწილეობა, რვა გოლი გაიტანა და სამი საგოლე გადაცემა გააკეთა.