"მანჩესტერ იუნაიტედის" ფრანგი ნახევარმცველის, პოლ პოგბას მომავალი გაურკვეველი რჩება.
Sky Sports-მა ცნობილი გახადა ინფორმაცია რომლისთანახმადაც ნახევარმცველი იანვრის სატრანსფერო ფანჯრის განმავლობაში სხვა კლუბში გადასვლას არ დათანხმდება. საბოლოო გადაწყვეტილებას ფეხბურთელი სეზონის ბოლოს მიიღებს.
აღსანიშნავია, რომ ფრანგ ნახევარმცველს "წითელ ეშმაკებთან" მოქმედი კონტრაქტი მიმდინარე წლის ივნისის ბოლოს ეწურება. კლუბმა პოგბას თანამშრომლობის გახანგრძლივება უკვე შესთავაზა, თუმცა პასუხი ჯერ არ მიუღია.
პოგბა ინგლისური გრანდის ღირსებას 2016 წლის აგვისტოდან იცავს. ნახევარმცველმა მიმდინარე სეზონში ცხრა მატჩი ჩაატარა და 7 საგოლე გადაცემა გააკეთა.