ინგლისის ეროვნული ნაკრებისა და "მანჩესტერ იუნაიტედის" ყოფილი ფეხბურთელი პოლ ინსი აღფრთოვანებული არ არის "მანკუნიელების" თამაშით რალფ რანგნიკის ხელმძღვანელობით.

"გუნდის თამაშში პროგრესს ჯერ ვერ ვხედავ. რანგნიკი კლუბში მაშინ მოვიდა, როცა მატჩების ძალიან კარგი განრიგი იყო. ამ ყველაფერმა გამახსენა დრო, როდესაც "იუნაიტედმა" სოლსკიაერი დანიშნა.

მანაც თავიდან მსგავს გუნდებთან ითამაშა. დარწმუნებული ვარ, რომ "მანჩესტერ იუნაიტედის" არცერთ გულშემატკივარს ჯერ არ უნახავს პროგრესი“, - განაცხადა ინსმა Sky Sports-ისთვის მიცემულ ინტერვიუში.

რანგნიკი "წითელი ეშმაკების" მთავარ მწვრთნელად გასული წლის ნოემბრის ბოლოს დაინიშნა. მხარეებმა კონტრაქტი სეზონის ბოლომდე გააფორმეს.